නිවස > සිතුවිලි වලට ඉඩක් > මතු බුදු වෙයන් උඹ..අම්මේ !!

මතු බුදු වෙයන් උඹ..අම්මේ !!

වේවැල් කැඩිලා…. වක ගැසුනුහාන්සි පුටුවෙ ඉඳගෙන…. පාර දිහා දෑස් දල්වගෙන බලා ඉන්නව.
තමන්ගෙ කුසින් මෙලොවට බිහි කරලලේ කිරි කරල පොවපු දරුව කොයි වෙලාවෙද තමන් බලන්න එන්නෙ කියල….
පේන තෙක් මානයක ඔහු නෑ .. අම්ම හුගාක්ම අසරණ වෙලා……
හිරු එළිය කෙමෙන් නැගී එද්දී වෙනද මෙන් අම්මගෙ සිතට ගොඩවදින බලාපොරොත්තු .. යලි හිරු අදුරේ ගිලී යද්දී සුනු විසුනු වෙලා යන්නෙ සුසුම් ගුලි ගොඩාක් හිස් අහස් තලය පුරාවට පුරවමින්………..
අදත් පාරෙ යන කෙනෙකුට තමන්ගෙ පුතා කියල රැවටිල….
ඔළුව අතගාලකඳුළු දෑසෙ පුරෝගෙනදෑතම ගෙන සිඹිමින්…. එක එල්ලෙ ඔහුගෙ මුහුන දිහා බලාගෙන ඉන්නවඅසිහියෙන් වගෙ මොන මොනවදෝ කොඳුරනව….
මට වාවන්නෙ නැතුව ගියා. එක පාරටම මගෙ නෙතින් කඳුළු කැට දෙකක් රූරා ගලා විත් මගේම අත මතට පතිත උනා..
ඉහිලුම් නොදෙන පපුවෙන් නොහඩා සිටින්නට මම දැරුවෙ ලොකු උත්සාහයක්
රූප රමු එකින් එක පෙලට අවිත් මගෙ ඇස් ඉදිරිපිටමෙ මම දකින්නෙ සිනමා පටයක්ද?? මටම මගෙ නෙත් අදහාගන්න බැහැ..
අම්මගෙ එකම පුතා වගෙම එකම දරුව…… ඔය අම්ම පුතාව හදා වඩා ගන්න දැරු අප්‍රමාණ වූ දුක් කන්දරාව…. පුතා අද ලොකු මහත්තයෙක්.. පිට රටක ලොකු සුඛෝපභෝගී ජීවිතයක් ගෙවනව…..
තාත්ත නැති වුනායින් පස්සෙ මේ අම්ම ඔය පුතාව ලොකු මහත් කරන්නට….. ශිල්ප ශාස්ත්‍රය නොඅඩුව ලබා දෙන්න දැරුවෙ මේ ලෝකයෙ කිසිම අම්ම කෙනෙක් නොවිදිනා දුක් කන්දරාවක්…..
රෑ මැද්දේ ගිනි ගහන ලිපේ රස්නය නොතකා…. ගිනි කකා තමයි මේ අම්මා ඉඳී ආප්ප තැම්බුවෙ කඩයට විකුනන්න..වෙන ජීවන මාර්ගයක්, හව්හරනයක් නොතිබුන හින්ද……
මේ අම්ම තම දෙපයින් ස්වාධීනව නැගී සිටිය දිරිය ළඳක්……
අම්ම ගිනි රස්නය වැදිලම වයසටත් කලින්ම ලෙඩ ඇඳට වැටුනා
එහ කැපවීම් කරල උස් මහත් කරපු පුතා අද කෝ දෙයියනෙ!!!.. අම්මව උන්නද මළාද කියල නිනව්වක් නෑ….
සමාජයෙ ඉහලම පදවිතානාන්තර වල ඉඳන් ලෝකයට වැදි බණ දේශනා කරන්නේ මෙන්න මේ අය නොවෙද කියල මට හිතුන….
මගෙ හිතට මුළු මහත් සමාජ ක්‍රමය කෙරෙහිම ඇතිවුනෙ මහ විශාල කලකිරීමක්
මිනිස්කම විකිනිල අදටත් මේ මොහොතෙත් ගජරාමෙට විකිනෙමින් පවතිනව..
කොටින්ම මිනිස්සු අමනුස්සයො ගානට වැටිල..රුපියල් සතත් එක්ක නොනවතින අරගලයක…..
දෙමව්පියන්ට සැලකීම…. සැබෑ ආදරය…… මේව ඔක්කොම පෑල දොරින් පැනල ගිහින් ඉතිහාසයට එක්වෙල ගොඩක් කල්…..
අම්මට අද අඩන්න බැහැ…..අම්මගෙ දුබල ඇස්වලඑලියට පනින්න කඳුළු තවත් ඉතුරු වෙලා නෑඒව හරියට වැස්ස නැතුව ඉරි තලා ගිය වියලි කලපයෙ බිම් තීරුවක් වගෙ…..
මුහුදකට ඇති තරම් මෙ අම්මගෙ ඇස්වලින් කඳුළු හැලිල ඇති
අදත් පුතා කියල වෙන කෙනෙකුට රැවටුනු අම්ම වෙනද වගෙම ලොකු සුසුමක් පිට කලා
හදවතේ බුර බුරා නැගුන දුක්ඛ දෝමනස්සයන් එකට එකතු කරල එකවර මුදා හල සුසුම් ගොන්නක් එතන තිබුන කියලයි මට දැනුනේ…….
අමාරුවෙන් හැරමිටියට බර වී ගෙට ගොඩවුනු අම්ම…. කෙලින්ම ගියෙ කාමරයට.
දූවිලි වැදී.. ගෙයි මුල්ලෙ තිබු පෙට්ටගමින් අම්ම පොඩි ඇඳුම් පයක් එලියට අරන් හදවතට තුරුලු කරගත්ත….
මුන දෝතින් වසා ගෙන පිස්සුවෙන් වගෙ ඇඳුම් ඉඹගෙන ඉඹගෙන ගියා….
මාතෘ සෙනෙහස උතුරා දෝරෙ ගැලූ තවත් හැගුම්බර තප්පර කීපයක් මගෙ දෑස් ඉදිරිපිට……
මට තවත් එම දුක්බර දසුන බලා ඉන්න බැහැ දෙයියනේ….
මට හීන් කෙන්දිරියක් එක්ක ඇඬුමක් ආවා…. මම විගහට ගෙයින් එලියට බැහැල පාර දිහාවට පිය මැන්න….
මට ඈත රේඩියෝවකින් යාන්තමට මෙන් ඇහුනෙ ගැඹුරු ගී හඩක්….
දවසක් පැල නැති හේනේ…………..”
මගෙ පපුව ඇතුලෙ ඊයම් ගුලි ගොඩක් එහාට මෙහාට පැද්දෙනවා වගෙ බරක් දැනෙන්න ගත්ත…..
බෝ මළුවක දිදුලන පහන් වැටක් බඳු වූ මගෙම අම්මව එකපාරට මගෙ මතකයට ආව….
අම්මෙ….. නුඹ ජාති ජාතිත් මගෙම අම්ම වෙන්න ඕනෙසංසාරෙ නුඹ මතු බුදුවෙන තුරාවට…. නුඹේ මව් සෙනෙහස මට දැනේවි අම්මෙ!!! …….
නුඹ ලබා දුන්න ලොව්තුරු මව් සෙනෙහස මගෙ සිරුරෙ හැම ලේ බිංදුවකටම මුසු වෙලා අම්මෙ!!
ජීවිතයෙ අවසන් හුස්ම පොද ඉහල අවකාශය සිප වැළඳ ගන්න තුරුමමත් නුඹ වගේමමිනිස්සුන්ට ආදරය උපරිමයෙන්ම බෙදා දෙන්නම් අම්මෙ
අම්මෙ උඹ මතු බුදු වෙලාඅපි ඔක්කොම මේ සසරින් එතෙර කරපන් අමමෙ.!!

~~

  1. තවමත් ප්‍රතිචාර නොමැත.
  1. No trackbacks yet.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: